Ақпан айының 12 күні № 12 «Салтанат» бөбекжайының «Раушан» тобында «Өзін-өзі тану: Махаббат пен Шығармашылық педагогикасы» онкүндігі аясында «Ата-ана мен бала арасындағы махаббат» тақырыбында тренинг өтті. Тренингті топ тәрбиешілері Г.Е.Камбасова мен А.Б.Сегізбай өткізді.
Тренингтің міндеті: Ата - ананың балаға деген сүйіспеншілігін байқау; өзінің және өзгенің даралығын бағалау, өзін құрметтеу; көңіл - күйді көтеру, сезім мен эмоцияны реттеу; ата - ананың бала тәрбиелеудегі оң психологиялық көзқарасын, балаға деген жауапкершілік сезімін қалыптастыру.Бала тәрбиесінің алғашқы алтын қазығы - жанұясы. Жанұялық тәрбие ата - анамен бала арасындағы қарым - қатынастық жүйе. Олай болса, ата - ана осы жүйені ғылым мен өмір ретінде жан - жақты меңгеру қажет.
Ата-аналар тренингке белсене қатысып, қойылған сұрақтарға жауап берді. Тренинг «Бумба-Юмба тайпасының сәлемдесуімен басталды. Ата-аналармен «Жунглидегі жаңбыр», «Өтінемін», «Көңілді шарлар» ойынымен жалғасты. Ата-аналар екі топқа бөлініп, берілген тапсырмаларды толығымен орындады. Ата-аналарға «Сіз қандай ата анасыз?» сауалнамасы таратылып, ситуациялық сұрақтар қойылды. Ата-аналар болашақта балаларының бойында көргісі келетін жақсы қасиеттерін жүрекшеге жазып, үлкен жүрекше жасады. Одан кейін ата-аналар «Тілек шамы» шеңберіне тұрып, тренингтен алған әсерлерін айтты және бір-біріне жылы лебіздерін айтып тренигті қортындылады.
{gallery}0-0/5{/gallery}
